Santo-Estello

Santo-Estello

Dimenche 5 de jun 2017

Coume lou sabès tóuti, lou dimenche de la Santo-Estello es uno journado festivo, e aquest an, ié voulèn douna un image pousitiéu de la culturo nostro.

Jusqu’aro, nosto mantenènço èro representado dóu tèms dóu passo-carriero pèr lou group counvida à participa à la cour d’amour e quàuquis escolo marcavon sa presènci en aubourant si coulour, qu eici, qu eila.

Vous vole demanda, en cadun d’entre vautre que vendrés participa à la Santo-Estello de Bagnèro-de-Bigorro e que cargués regulieramen lou coustume de voste relarg – maritime, arlaten, gavot, nissart… –, de lou pourta aquéu jour d’aqui e de veni vous plaça, tóutis ensèn, darrié lou sendi de Prouvènço que pourtara li coulour de la mantenènço ; li coulour de vosto escolo, quouro n’avès, saran tambèn li bèn-vengudo. Vai soulet que se sias musicaire –tambourinaire, acourdeounisto, fifraire, etc. –, vous esperan emé « vòstis óutis » pèr mena la fèsto.

Es ansin que moustraren la diversita de nòsti tradicioun e noste estacamen au coustume dins la plus puro draio felibrenco.

Lou Sendi

Guy Revest

Agenda

< 2020 >
mai 31 - juin 06
  • 31
    Aucun événement
  • 01
    Aucun événement
  • 02
    Aucun événement
  • 03
    Aucun événement
  • 04
    Aucun événement
  • 05
    Aucun événement
  • 06
    Aucun événement
© Le Felibrige Tous Droits réservés | Réalisation Dream Media® 2016 - Mentions légales et crédits