Armana Prouvençau

En 2021, lis armanacaire, mau-grat li mounto-davalo de la situacioun sanitàri, an pas crida sebo pèr alesti l’edicioun 2022 de noste Armana.

Uno trenteno d’autour prouvençau se soun groupa à escriéure o à revira, especialamen pèr l’Armana, chascun emé soun gàubi, chascun dins soun parla, de tèste chanu e varia.

À-de-rèng, pouèmo, nouvello e raconte, cansoun e cascareleto, recèto de cousino, vous esmóuran, vous estruiran sus l’istòri nostro, vous faran veni la salivo o vous esgaiaran.

Coume chasque an, i’a, demié lis autour d’aquelo edicioun 2022, de fidèu que couneissès bèn e tambèn quàuqui nouvèu qu’aduson de sang nòu pèr sèmpre renouvela l’Armana.

L’edicioun 2022 es un bon milèime que vous pourgira de bon moumen de leituro e vous chalara. L’Armana Prouvençau sara, aquest an encaro, « joio, soulas e passo-tèms » di Prouvençau. Óublidés pas de n’en passa coumando, de n’en faire la reclamo à voste entour e, pèr lis ensignaire, de n’en parla à vòstis escoulan.

L’Armana 2022 a sourti di prèsso de l’estampaire, e lou poudès coumanda tre aro pèr vous n’en coungousta.

Armana Prouvençau 2022, Edicioun de Felibrige Mantenènço de Prouvènço – Pres : 12 €, plus 3 € de participacioun i fres de port.

De paga e coumanda à : Bregido Dempton, Appartement 53, 5, allées de Provence – 04100 –  Manosque (tel : 06 62 25 46 73).

https://zimbra.ville-arles.fr/service/home/~/?auth=co&loc=fr&id=155245&part=2

 

Agenda

< 2022 >
Mai 1
  • 01
    Aucun événement
© Le Felibrige Tous Droits réservés | Réalisation Dream Media® 2016 - Mentions légales et crédits