Es emé un grand plesi qu’avèn pouscu aquest an faire noste acamp generau en presenciau. D’efèt, l’acamp previst l’an passa à Valàuri, lou deguerian anula e lou faire en visiou-counferènci. Se sian dounc retrouba tóuti ensèn lou 19 de mars dins aquelo bello viloto, aculi em’ un gentun qu’es pas de dire e ’m’ uno grando counvivialeta pèr li sòci dóu Coumitat de la Sant-Sauvaire.
Dins lou tantost, apres l’acamp e un bon repas, la vesito di museon Picasso e de la faiènço acabè uno tras que bello journado de travai mai peréu d’amista e de counvivialeta.
Vole gramacia la coumuno de Valàuri e sis elegi pèr soun acuei, li sòci dóu Coumitat de la Sant-Sauvaire pèr soun gentun e pèr tout lou travai coumpli pèr nous aculi tant bèn e, tout particulieramen, lou majourau Gile Désécot que, souto-sendi de l’endré fin-qu’à l’an passa, a beileja de man de mèstre aquelo bello journado.
SM
