ACAMP GENERAU OURDINÀRI
COUNVIDACIOUN
Dissate 8 d’abriéu 2017
À Gréus-li-Ban (Aup-de-n-Auto-Prouvènço)
Caro felibresso, car felibre,
Avèn lou plesi de vous counvida à l’acamp generau ourdinàri de la Mantenènço de Prouvènço dóu Felibrige que se debanara à Gréus-li-Ban (04), lou dissate 8 d’abriéu 2017, au Centre de congrès l’Étoile, avengudo Pèire Brossolette, tre 9 ouro dóu matin.
Vous esperan noumbrous, tre 9 ouro ¼ fin que lou tèms passa à signa li fueio d’esmarjamen permete de coumença vertadieramen l’acamp à 9 ouro ½.
Ordre dóu jour :
–Remarco sus lou comte-rendu de l’acamp de 2016 pareigu dins Prouvènço, Mantèn ! n° 16, pajo 5, e vote.
–Raport mourau dóu sendi.
–Raport d’ativeta.
–Raport financié. Pèr li felibre que lou souvetarien, li comte poudran èstre counsulta sus plaço, proche lou clavaire, lou jour de l’acamp ; rèn sara manda.
–Proujèt mantenenciau pèr l’annado 2017, segui dóu vote dóu buget previsiounau.
–Resultat dis eleicioun à buletin secrèt.
–Questioun pausado pèr li felibre, e acetado pèr lou burèu mantenenciau.
–Questioun diverso.
