Segound l’engajamen pres dins l’acamp generau de Gréus (cf. La Revisto n° 300), lou sendi Gui Revest, aubourant fieramen la bandiero i coulour de la mantenènço – que se dèu eici de dire un bèu gramaci i pichòti man de l’ataié de boutis de l’Escolo de la Targo –, en coumpagno de l’assessour de Prouvènço, la majouralo Glaudeto Occelli-Sadaillan, prenguè la tèsto dóu passo-carriero à la sourtido de la messo dóu dimenche de Pandecousto, segui di majourau, di felibre e di tambourinaire prouvençau.
Lou burèu mantenenciau dis si gramaci en tóuti aquéli qu’an bèn vougu participa au defila e douno rendès-vous à Brageirac en 2018 pèr tourna moustra noste estacamen i tradicioun nostro.
